Recent Posts

Post Categories

Iwwer déi Haart mat de mëlle Baken 
De Staatsbeamten a -Fonctionnaire genéisst de Ruff, extreemt Sëtzlieder ze hunn. Et däerf een sech also net weider wonneren, datt...
Affär Gaardenhaischen: Solden an der Justiz? 
Et muss ee soen wat ass: et si scho  Gelungener, eis Dammen, Hären a * vum Parquet. Si si fräi...
Frank Bertemes: Immer wieder Krieg? 
„Fünf große Feinde des Friedens wohnen in uns: nämlich Habgier, Ehrgeiz, Neid, Wut und Stolz. Wenn diese Feinde vertrieben werden...
Guy Weber bei RTL an der Pensioun: wou gouf Mëscht gebaut? 
Den Informatiounsdirekter bei de Lëtzebuerger Programmer vun RTL ass an der Pensioun ukomm. De Guy Weber gouf e leschten Interview...

Blog Post

Ëmwelt

Hilarités générales aus der Chamber 

Hilarités générales aus der Chamber
image credits: gouvernement.lu

Iwwer Ëmweeër hu se gëschter am Chamberplenum nun awer indirekt iwwer den DIESELGATE diskutéiert. Den neien CSV-Deputéierten Paul Galles huet an deem Kontext e puer pertinent Froe gestallt, kruut allerdéngs séier wéineg präzis Aentwerten vun der zoustänneger Ministesch. D’Carole Dieschbourg konnt sech grad net un d’Grenzwäerter (CO2,NOX) erënneren an huet gemengt, déi wiere souwisou net wichteg, et géing schliisslech ëm de Prinzip goen. Daje alt! Ma wat fir ee Prinzip? Wat ass d’Richtlinn, déi d’Ministesch un d’Automobilisten erausgëtt: Bensinner oder awer nach en Dieselmotor? Grad déi lescht Modeller si jo vum Feinsten. Op déi Fro gouf kräfteg geruddert a gepaddelt, bis de Message kloer an däitlech war:

Am Bäschten, d’Automobilisten fuere mam Velo!

D’Ministesch huet sech esou schwéer mat hieren Aentwerten gedoen, well et grouss Interpretatiounsdivergenze ginn an der Regierung. D’Meenungen tëscht deene Bloen an deene Rouden op där enger Säit an deene Gréngen op där anerer ginn diametral auserneen. Et ass jo och interessant, festzestellen, datt nach ëmmer keng Decisioun gefall ass, ëm wéivill Bensin an Diesel sollen eropgesaat ginn- en Ënnerscheed par rapport zu Frankräich mécht am Schnëtt 34 Cent aus. Blo-Rout si fatzeg jalous op de Wahlerfolleg vun deene Gréngen an zugläich entsaat iwwer deenen hir Dreemereien, déi sech schlecht mat Economie a Realpolitik verbanne loossen; si wëllen déi Gréing deemenstpriechend enk un der Lénkt halen.

 

Keng Aentwerten goufen et och, wat zum Beispill d’Aviatioun betrëfft, well jo bekanntlech och Fliiger Dreck ausstoussen. An d’Schëffer op der Mousel? Och Drecksschleideren? Do koum den Henri Kox der Ministesch zu Hëllef! Alles kee Probleem. D’Schëffer maachen zwar genuch Ëmweltverknaschtung, ma de Wand ass meeschtens gënschteg an esou kënnt d’Loftverschmotzung net bis op Lëtzebuerg – an och net op Réimech!! Do huet ee mol mussen drop kommen. A wann et net wouer ass, esou ass et op d’mannst gutt fonnt.

 

 

 

Related posts

Verloossen eng Äntwert

Required fields are marked *