Recent Posts

Post Categories

Och déi politesch Oppositioun huet hire Kräizwee ze goen 
D’Sozialisten sinn an där nämmlechter Situatioun ewéi 11 Joer virdrun déi Chrëschtlechsozial: raus aus der Regierung, raus aus dem Alldagstratt,...
Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...

Blog Post

Divers

Dateschutz: d’Police ass tatsächlech e bësselchen hannendran! 

Dateschutz: d’Police ass  tatsächlech e bësselchen hannendran!
Image parMichael Schwarzenberger de Pixabay

Ugeholl, et gëtt een op der Strooss a sengem Auto geblëtzt: huet een do d’Recht, sech d’Photo unzekucken? Jo, dat ass esou vum Gesetz virgesinn. Et ka jo sinn, datt een seng Zweiwel huet, datt ee selwer hanner dem Steier souz an eng “gefälschten” Immatrikulatiounsplack kritt ee schonn fir 15€.

D’Photo kann also wichteg sinn, fir de Protokoll vun der Police unzefechten, ëmsou méi, wou d’Radaren anscheinend méi dacks net korrekt fonktionnéiere sollen. Allerdéngs kann et mat der Reklamatioun e bësselche méi komplizéiert sinn.

  

Dat relativ jonkt Dateschutzgesetz vum 1. August 2018 gesäit nämlech vir, datt d’Daten , déi vun der Police iwwer eng Persoun gesammelt goufen, fir dee Betraffene musse liicht zougänglech sinn! D’asbl “aktiven Dateschutz”                           =aktiven%20dateschutz%20asbl&epa=SEARCH_BOXhuet et zanter enger Zäitchen mat engem konkrete Fall ze dinn, eben mat enger Persoun, déi sech net einfach esou mam Courrier vun der Police zefridde gëtt a gäeren d’Photo geséich. D’Aentwert vun der police grand-ducale gëtt hir keng Satisfactioun:

Licht zugänglech gesäit aneschters aus. Et muss een also op Bartréng an de centre national de traitement fueren, fir do Abléck ze kréien, an et däerf een sech mol keng Copie vun der Photo maachen! Dobäi kann déi Photo duerchaus derzu bäidroen, e Mëssel ze klären, zum Beispill wann et sech ëm e Patron handelt, deen e puer vu sengen Ugestellten op engem an deem nämmlechte Woon kutschéiere léisst. Eleng d’Photo kann hëllefen, dee ‘schëllege’ Chauffeur ze ermëttelen.

Image parMichael Schwarzenberger de Pixabay

Ech selwer kruut viru 4 Joer Courrier vun der däitscher Police. Ech sollt gerannt sinn, ewéi e Schwäin. Glécklecherweis wor d’Photo direkt derbäi, an tatsächlech: dee Monni wor net ech an déi lëtzebuerger Police konnt dat am Nu mat den däitsche Kollege klären. Dobäi hat ech mech schonn op e Klengkrich mat de Verwaltungen agestallt.

“…et wier also un der Zäit, datt d’Police sech deem neie Gesetz upasst …”

 

 

Related posts

Verloossen eng Äntwert

Required fields are marked *