Lëtzebuerg huet zanter engem décke Mount eng politesch Partei méi. Den 21. Februar gouf dem Frank Engel seng FOKUS-Partei virgestallt. “Seng”, well si op seng Initiative hin entstanen ass. Dobäi huet ausgerechent hien deen Dag vun der Presentatioun gefeelt. Könschtlerpech! Him goung et gesondheetlech net esou gutt.
De Mann ass awer elo nees op de Been a gouf dem Marc Thoma e längeren Interview. Zanter dem 21. Februar huet een näischt méi vun där neier Partei héieren. Fairerweis muss ee soen, datt déi nei Organisatioun sech fir d’éischt muss intern opstellen, an datt et mam Krich an der Ukrain grad fir si et net einfach ass, elo vu sech schwätzen ze doen.
Wat huet de Frank Engel, wat huet Fokus wëlles? Wat fir Themen sollen am Mëttelpunkt stoen? Hei säin Interview am Gespréich mam Marc Thoma.