Wat ass hei Naturschutz ?
Dat hunn ech mech gefrot, wéi ech kierzlech laanscht engem flotte Vëloswee gesinn hunn wéi do eng Natur Heck geschnidden, oder kann een éischter soen, massakréiert ass ginn. An enger Heck hunn ech -wéi den Zoufall et esou wëll- e Schëld fond mat Infoen zu engem ekologeschen Heckeschnëtt. Grondsätzlech brauchen Heckenplanzen vun Natur aus keen Schnëtt. Heckeplanzen sinn Planzen, déi bei eis vun Natur aus an de Bëscher oder um Bëschrand virkommen.
Fir d’Entwécklung vun verschiddenen Hecken zu engem optimale Liewensraum fir eng Rei Déieren, ass heiandsdo e Réckschnëtt vun der Heck e Virdeel. Ëmmer erëm gëtt awer beim Heckeschnëtt betount, esou mann wei méiglech an net ze dacks Agrëffer virzehuelen. Mä firwat muss dann awer laanscht all Feld a Vëloswee Joer fir Joer esou een Heckemassaker gemaach ginn? Sinn Vëlofuerer a Spazéierleit keng Naturfrënn ? Wat ass also beim schneiden laanscht Weeër do Naturschutz?
Ech hu mer an dräi Gemengen e puer Feld- a Vëlosweeër ugekuckt wat do esou schonns geschnidden ass a wat eigentlech do wiisst. Dobäi ass mäin Bilan méi wéi däitlech: vill Hecken -Aktivismus, awer keen Naturschutz.
