Recent Posts

Post Categories

Frank Bertemes: Marschrichtung Rechts ? 
“Reihe rechts – Ohne Tritt – Marsch!“ Das militärische Exerzieren riskiert (leider) auch eine nicht neue politische EU – Marschrichtung...
Gaston Vogel: LA C.P.I.ET NETANYAHU 
La C.P.I. est saisie de la requête de son Procureur aux fins de lancer tant contre les chefs du HAMAS...
Pandemie-Politik: Eng Enquête-Kommissioun zu Lëtzebuerg? 
No all där Opreegung ëm déi vill schlëmm a manner schlëmm Konsequenzen ëm deen ominéisen Topic „Pandemie “ an och...
Zirkus an der Politik ronderëm den Atom 
Gebongt. D’Aussoen vum Premier Luc Frieden a vum Ëmweltminister Serge Wilmes iwwer déi lëtzebuerger Atomstrategie koumen zum falschen Ament an...

Blog Post

Divers

Frankräich: net genuch Watt a Volt! 

Frankräich: net genuch Watt a Volt!
Image par Steve Buissinne de Pixabay

 

ëmmer méi Experten a Frankräich gesinn schwaarz fir de Stroum: dëse Wanter kéint d’Elektrescht ewechfueren! Net (nëmmen) wéinst grousse Schnéimassen, ma ganz einfach, well net genuch Stroum do ass. Bossegerweis hänkt dës Situatioun mam CoVid-Virus zesummen.

Frankräich ass eng Atom-Muecht, militäresch an zivil. Probleemer mam Stroum haten d’Fransousen net zanter Joerzéngten. Elo huet iwwerraschend d’Ecologieministesch Barbara Pompili mussen agestoen, datt iwwer de Wanter plazeweis a stonneweis de Stroum wäert musse gespaart ginn, fir esou déi néideg Reserven ze behalen fir d’Spëtzestonnen, also moies fréi, wann jiddereen opsteet an Owes, wann déi meescht heemkommen.

Als Ursaach denkt een direkt u Fessenheim. D’Atomzentral aus dem Elsass mat enger Produktioun vun 1800 MW, ass am Juni dëst Joer zougemaach ginn. Kloer, dat ass eng Belaaschtung fir d’Stroumnetz an all déi Watt géifen elo gutt kommen. D’Ursaach ass allerdéngs eng aner: wéinst der Pandemie konnten zanter dem Fréijoer keng maintenance-Aarbechten an deenen aneren Zentralen duerchgefouert ginn an déi mussen elo dréngend nogeholl ginn. Am Februar gëtt gläich an 13 Atombléck d’Produktioun op Null gesaat!

Grad esou goufen eng Partie Kuelekraaftwierker definitiv zougemaaach, déi d’EDF an der Vergaangenheet nawell gär usprange gelooss huet, wann d’Atomzentralen et net méi gepackt hunnn. Och déi feelen elo an engem Wanter, dee sech méi frësch ukënnegt ewéi déi vun de Joer virdrun. Frankräich enges Dags ouni Atom an nëmmen Wandmillen a Solarenergie, wéi dat wuel ausgeet? Warscheinlech huet de President Macron Recht, wann hie seet:

“…l’écologie en France passera par le nucléaire…!”

Related posts

Verloossen eng Äntwert

Required fields are marked *