E fréiere Polizist kämpft ëm seng E’ier!

0
2214
image credits:pixabay.com

den André Steffen war an engem fréiere Liewen Polizist. Hien huet eng Zäit als  “ undercover », als « agent caché” fir den Antidrogendepartement vun der police judiciaire geschafft. 1996 gouf et eng Disziplinarenquête géint hien, well de Mann sech net u gewësse Spillreegelen gehalen hätt. Déi Untersuchung gouf faale gelooss, well näischt un de Virwërf dru wor. Mä kuerz drop koumen aner Vierwërf: hien hätt verschidde Saachen ënnerschloen, zum Beispill Drogen, also souzesoen en TATORT an der Police selwer. Den André Steffen koum 1998 op d’Geriicht a krut 5 Joer Prisong, eent mat sursis. Zwee dofunner huet hien ofgesiess, an zwar an Isolatiounshaft. Bei d’Police zeréck schaffe goen, war onméiglech, de Mann koum als Sekretär am Munnereffer Domaine Thermal ënnerdag an ass elo zanter e puer Joer an der Pensioun.

image credits:Police Grand-Ducale

 

D e Polizist huet ëmmer d’Theorie vertrueden, datt hien vu sengesgläichen erageluecht gi war, verschidden aner Uniforméierter – an net där mannster- hätten him eng Fal gestalt, fir him senger lass ze ginn. Domatter koum hien awer net duerch um Geriicht, ma elo wëll den André Steffen nei Elementer hunn, déi him seng Onschold kéinte beweisen.

Dem Mann schéngt dat wichteg ze sinn: 20 Joer no senger Condamnatioun misst hie jo net onbedéngt d’Affaire nei un d’Rulle bréngen, hie kéint elo endlech a Rou seng Pensioun genéissen. Ma nee! Fir hie geet et wuel éischter ëm de Prinzip, de Mann hätt gären seng E’ier erëm als fréiere Polizist. An natiirlech geet et wuel och drëm, deenen eng zeréckzeschloen, déi him virun 2 Joerzéngten e Fouss gestallt haten ! Ma esou richteg kënnt hien net vun der Plaaz !

 

H Hie freet beim Justizminister Felix Braz d’révisioun vum Prozess unn. Eng éischte Kéier datéiert op de 14. Mäerz zejoert.

image credits: gouvernement.lu

De Ministère äntwert 10 Woche méi spéit, mam Refus, de Prozess nei opzerullen. D’Base vun deem refus läit am Avis vun enger zoustänneger Kommissioun, déi fir esou Fäll zesumme gesaat gëtt. Dem André Steffen säin Affekot, de maître Laurent Ries muss eng zweete Kéier zur Fieder gräifen a schreiwt dem Minister e weidere Bréif, matt der Feststellung, datt déi Kommissioun an hirem Avis näischt aaneschters gemaach hätt, ewéi de Verdikt vu virun 20 Joer inhaltlech ze explizéieren, dobäi awer guer net deenen neien Elementer Rechnung gedroen hätt, déi den Här Steffen iwwerhaapt zu deser Démarche gefouert hunn. De Minister huet bis dato keng Aentwert ginn op dëse Bréif, datéiert op den 19. September zejoert. Wéi gesot: mol keen accusé de réception!  Den Affekot huet sech nees am Januar vun dësem Joer beim Minister schrëftlech zu Wuert gemelt.

Hei de Link zu engem Deel vun dësem courier: https://www.dropbox.com/s/iucqq86ggvighg0/nouveau%20document%202019-05-07%2015.50.20.pdf?dl=0

 

n anere Wieder: den André Steffen a säin Affekot hätte gären, datt deenen neien Evenementer Rechnung gedroe gëtt, fir de Prozess nei unzefänken, dorënner eng Zeienausso. An an där Deklaratioun stellt e Polizist aner Kolleegen an en éischter däischtert Liicht. Net oninteressant! Et sollt een et allemol zur Diskussioun bréngen….

LEAVE A REPLY

Please enter your comment!
Please enter your name here