Recent Posts

Post Categories

Iwwer déi Haart mat de mëlle Baken 
De Staatsbeamten a -Fonctionnaire genéisst de Ruff, extreemt Sëtzlieder ze hunn. Et däerf een sech also net weider wonneren, datt...
Affär Gaardenhaischen: Solden an der Justiz? 
Et muss ee soen wat ass: et si scho  Gelungener, eis Dammen, Hären a * vum Parquet. Si si fräi...
Frank Bertemes: Immer wieder Krieg? 
„Fünf große Feinde des Friedens wohnen in uns: nämlich Habgier, Ehrgeiz, Neid, Wut und Stolz. Wenn diese Feinde vertrieben werden...
Guy Weber bei RTL an der Pensioun: wou gouf Mëscht gebaut? 
Den Informatiounsdirekter bei de Lëtzebuerger Programmer vun RTL ass an der Pensioun ukomm. De Guy Weber gouf e leschten Interview...

Blog Post

Finanzen

D’Aan op oder de Beidel! 

D’Aan op oder de Beidel!
image credits:pixabay

Zanter de leschten 35 Joer liewt eist Land an der Haaptsaach vun der Finanzplaz ! Dat gëtt zwar ëmmer nees erofgespillt, wahrscheinlech fir ze verstoppen, datt een keng Alternative fënnt, datt eis Economie ëmmer nach monolithesch opgestallt ass.

Aus enger Note un de Formateur vun der Regierung, Xavier Bettel, geet ervir, datt 0,84 Prozent vun de Betriiber zoustänneg sinn fir 75 Prozent vun de Staatsrecetten a Punkto Betriibssteieren ! Do reiwt ee sech fir d’éischt d’Aan, ier een sech et op der Zong zergoe léisst. An déi 0,84 Prozent si 4 grouss Finanzinstituter, also Auditgesellschaften a Banken. A wann een alles zesummerechent, dréit d’Finanzplaaz (+taxe d’abonnement etc) zu bal dräi Véirel zu de Gesellschaftssteiere bäi ! Mir sinn also eemol wéi d’aner Kéier komplett vun der Finanzplaz ofhängech. Garelabox et geet do eppes schiif.

 

A propos : do kënnt jo de Brexit. Egal op knallhaart oder méi soft, dat anert Joer verléisst d’Insel dat europäescht Haus ; a fir datt dat net an e Koup fällt, mussen déi aner Memberen eben méi déif an d’Täsch gräifen. Lëtzebuerg muss do mat zousätzleche Chargen rechnen vunn 200 – 300 Milliounen Euro. Eist Land muss doniewt zu engem Deel fir d’Indemnitéiten opkommen fir d’Chômeuren ënner de Frontallier : + 100 Milliounen !

 

Et muss een et an deem Kontext gesinn, wann d’Regierung elo higeet, an de Mindestloun eropsetzt, den ëffentlechen Transport an

image credits: pixabay

d’maison relais gratis mécht, wann d’Reform an der fonction publique réckgängech gemaach gëtt (80/80/90). Dat ass zwar zum Deel berechtecht – awer nëmmen zum Deel-, ma kascht richteg Geld : do kënnt een huerteg op iwwer 600 Milliounen, an et ass jo kaum dermadder ze rechnen, datt déi nächst Steierreform zum Nulltarif ze kréien ass !

 

Wann also d’Finanzplaaz och nëmmen e bësselchen den Houscht kritt – wéinst Brexit, wéinst Italien oder Frankräich- da geet dem Land an der Regierung séier d’Loft aus. Et héiert sech alles verdammt gutt unn, ass awer iergendwéi och mam Feier gespillt! An eist Land bleiwt op den éiwegen, a wa méiglech, héige Wuesstëm ugewisen. Vum Rifkin huet een och scho laang näischt méi héieren.

 

Related posts

Verloossen eng Äntwert

Required fields are marked *