Recent Posts

Post Categories

Europawahlen: Hëllef! De Spargel schéisst! 
Europa ass u sech eng Geschicht vun der Léift. Déi deemoleg jonk Gëttin Europa war mam Zeus an d’Këscht gesprong,...
Gaston Vogel: LES PUTINOPHAGES 
Putine est ce morceau de geli que le monde de la petite lucarne tourne et retourne à longueur d’émissions, dans...
Gaston Vogel: LE GRAND AMALGAME 
07 octobre 2023, attaque sans nom du Hamas sur un kibboutz d’Israël contigu à la Bande de Gaza – 1200...
Frank Bertemes: Marschrichtung Rechts ? 
“Reihe rechts – Ohne Tritt – Marsch!“ Das militärische Exerzieren riskiert (leider) auch eine nicht neue politische EU – Marschrichtung...

Blog Post

Politik

Am SREL tickt eng Auer op d’mannst! 

Am SREL tickt eng Auer op d’mannst!

 

Op eise Geheimdéngscht ass Verlooss! Schliisslech huet de SRE eng Regierung gekippt an eng CSV fir 10 Joer an d’Oppositioun geschéckt. Dat muss ee mol fäerdeg bréngen! A méi laang ramouert et scho neess an der Matrix vum Spëtzeldéngscht. De SRE schéngt zwar gutt Aueren ze hunn, ma ka fir keng security clearance garantéieren. D’Kiischt um Kuch: de Spiounechef huet demissionéiert.

Eigentlech eng Cheffin. D’Doris Woltz verléisst den Auerebuttek no 7 Joer a grad zu engem Ablack, wou d’Spionage-Spezialisten fir bad Publicity suergen an der Europäescher Unioun an och an NATO-Kreesser. Lëtzebuerg ass net à même fir déi néideg Recherchen kënnen ze maachen. De SRE kritt net genuch Informatiounen zustanen. A senger Äntwert op eng parlamentaresch Fro vum Pirat Sven Clement hat den Ex-Premier Xavier Bettel ënner anerem schreiwe gelooss:

Also d’Confirmatioun, datt d’ANS zanter 2019 keen Zougang huet weder op déi juristesch Archiven nach op d’PVen a Rapporten vun der Police. Si gesi just ob eng Persoun en Dossier bei der Police huet, awer net wat dra steet. A si gesinn och de Bulletin nº 2 vum Casier.

De Grand-Duché verstéisst zanter op d’mannst 4 Joer géint international Normen. D’Enquêten kënnen net no de Spillreegelen gefouert ginn déi am offizielle Journal vun der Europäescher Unioun esou definéiert sinn:

Schonn 2016 wéi d’Gesetz No 6961 iwwer d’ANS an der Chamber gestëmmt gouf, huet musse Route gewénkt ginn: d’Moyene ginn einfach net duer!

Also duerchaus bad Publicity. D’NATO huet dorobber reagéiert a léisst dem Grand-Duché net méi all d’Informatiounen zoukommen, mir sinn an den Abseits gestallt. Et ass an deem Kontext wou d’Doris Woltz elo de SRE verléisst an an d’Pensioun geet. Stécht net méi dohannert?

rtl.lu

Déi nämmlecht Madamm war an der Zäit Untersuchungsriichterin an am Kader vun der Bommeleeër-Affär hat si sech Loft gemaach an den deemolege Justizminister Luc Frieden an der Ëffentlechkeet verbal ugegraff mat der Beschëllegung, hie géing Drock maachen fir déi Affär wollen ze klasséieren. Bon, aus dem ale Luc gouf deen neie Luc, ma et ass unzehuelen, datt hien dat weder vergiess nach verzien huet.

Observateuren- och aus dem Ausland- sinn der Meenung, datt d’Doris Woltz just déi logesch Konsequenz gezunn huet. An der internationaler Press an op de soziale Medien gi SREL-Leit zitéiert, datt et sech géing ëm eng privat Decisioun vun der Madamm Woltz -eis Miss “M”*- handelen, an datt déi guer näischt mat aneren Aktivitéiten ze dinn hätt déi vun der Press déiten avancéiert ginn. Dat muss een elo awer net gleewen.

D’Madamm Woltz muss nach bis den 1. Juni waarden, brav bleiwen, d’Babbel net ze grouss oprappen. Si krut nämlech eng Pensioun an allen Éieren versprach. Ganz am Géigesaz zum President vun der SRE-Personaldelegatioun dee stante pedes virun d’Dier gesat gouf, nëmmen well hien dem Spionagedéngscht aus engem anere Land ze verstoe ginn hat, datt Lëtzebuerg zanter Joer net méi NATO-konform ass. Dee Mann gouf an Onéieren entlooss, seng Pensiounsrechter si futsch!

Den ‘ale’ Luc war 2013 zesumme mam Premier Juncker mat der SREL-Affaire politesch ënnergaangen, um ‘neie’ Luc ass et, all déi James Bonden an de Grëff ze kréien an dofir ze suergen, datt Lëtzebuerg endlech nees eng security clearance op d’Bee gestalt kritt. Éischte Jalon wäert wuel d’Nominatioun si vum Nofollger vun der Madamm Woltz. An da bleift nach d’Fro: wat ënnerhëlt déi nei Regierung am Fall vum Frank Schneider? Deen ass zanter Méint vun der Bildfläch verschwonnen, ma et gëtt ronderëm d’Welt no him gesicht!

De fréiere Premier a Chef vum Geheimdéngscht Xavier Bettel wollt fir dee Mann kee Fanger kromm maachen, mol ofwaartden wéi flénk an där Saach de Frieden ass….

 

 

 

Related posts

2 Comments

  1. Jean

    Dei spannendst fro bleiwt…wou ass de Fraenk Schneider drun?
    Vleicht an Israel,well de Mossad jo nei genien brauch,nodeem se d attack vun der Hamas anscheinend net komme gesinn haten.
    Oder dach an Nordkorea,well do eng ausliwerung op Washington am improbabelsten schengt.
    Oder nach emmer beim franzeischen noper,fir de president Macron heemlech a strategie froen ze beroden.
    Vleicht wesse mir an zukunft mei oder och net.

  2. Freylinger Pepy

    Ëlauter Heuchler. Hoffen ën huët éng sécher Stopp fonnt. Giélemännercher, gin et nach émmer, lëider..😏

Verloossen eng Äntwert

Required fields are marked *