Recent Posts

Post Categories

Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...
Mario Dichter: nie wieder? 
50 Milliarden €, vornehmlich erwirtschaftet aus unser aller Arbeit und damit Lebenszeit, macht die „Europäische Union“ in den nächsten Jahren...

Blog Post

Divers

Unanimitéit géint d’Heeschen op der Strooss! 

Unanimitéit géint d’Heeschen op der Strooss!
image credits: rtl.lu

Wann ee vun Heesche schwätzt, denkt ee fir d’éischt un eis Haaptstad. Verschiddene Leit geet dat géint de Stréch, anerer soen, datt Heeschen en elementaart Mënscherecht ass. Derbäi kënnt d’Polemik, datt et sech dacks net ëm de “klassesche Clochard” handelt, ma ëm organiséiert Banden. Um Lift vum Parking Theater pecht zanter engem décke Joer en Ziedel vun der Police, fir d’Leit doropper opmierksam ze maachen. Deen Ziedel ass esou kleng ausgefall, datt hie kengem opfällt. Ma onoofhängech dofunner: wann d’Police tatsächlech derfunner ausgeet, datt et sech dacks ëm “organiséiert Kriminalitéit” handelt, stellt sech d’Fro: virwaat ënnerhëllt si näischt dogéint. Ëmmerhinn besteet zanter e puer Joer dat néidegt Gesetz dozou!

 

D’ Diskussioun huet sech bis ewell limitéiert op e Konflikt tëscht dem Gut- an dem Bösmensch. Ma ausgerechent d’Stad Dikrech hëllt en neien Ulaaf. An där Gemeng ass zanter gëschter d’Heeschen verbueden. De roude Buergermeeschter huet dat néidegt Reglement abruecht, an dat gouf an der Unanimitéit ugeholl! Also vu Rouden, vu Bloen, vu Schwaarzen, jo esouguer vu Gréngen!. Am Artikel 54 bis vum Polissereglement heescht et elo: “la mendicité est interdite sur le territore de la Ville de Diekirch”. De Buergermeeschter Claude Hagen seet am Tageblatt, et hätt ee leider musse reagéieren, well ëmmer méi dacks Persounen, déi net zu Dikrech selwer wunnen, an déi Stad heesche komm wieren; doniewt hätt sech bei de Leit d’Bild festgesaat, datt et sech bei dëse Persounen ëm Flüchtlingen déit handelen, wat awer net onbedéngt der Wourecht entsprécht.    

 

E ng durchaus interessant Entwécklung: bis ewell gouf deejenegen, deen d’Heeschen verbidde wollt, an den Eck vum Bösmensch gedréckt: eng Diskussioun – organiséiert Banden oder net- gouf direkt am Keim erstéckt. Elo, mam Seegen, pardon: mam Vote zu Dikrech, misst endlech kënnen sachlech driwwer diskutéiert ginn, och an der Gemeng Lëtzebuerg, well, wann déi vill Fraen mat klenge Kanner, déi vill eeler Männer mat Muppen tatsächlech forcéiert ginn, fir ze heeschen, an Owes mussen hiert erheeschtent Geld beim Big Boss ofginn, dann ass et Mënschenhandel,  an dee muss verbueden a haard bestrooft ginn!

 

Related posts

Verloossen eng Äntwert

Required fields are marked *