Recent Posts

Post Categories

Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...
Mario Dichter: nie wieder? 
50 Milliarden €, vornehmlich erwirtschaftet aus unser aller Arbeit und damit Lebenszeit, macht die „Europäische Union“ in den nächsten Jahren...

Blog Post

Divers

Sinn Accidenter mam Tram virprogramméiert? 

Sinn Accidenter mam Tram virprogramméiert?
image credits:Luxtram

Direkt um Ufank vun der grousser Vakanz, den 19. Juli, gouf et e Schockament um Kierchbierg: e Bus an den Tram haten sech um John F.Kennedy/ rue Alphonse Weiker ze pake krut. 5 Persounen goufe blesséiert, dorënner zwou méi schwéier. Et huet sech direkt d’Fro gestallt: wee vun deenen zwee Gefierer hat Gréng, respektiv, ween war am Recht, ween am Feeler? Et kéint jo nach déi aner Méiglechkeet bestoen, datt et Problemer goufen mat der Signalisatioun. Mat der Computertechnik ass et haut einfach, dat zeréck ze verfolgen. Et huet een awer nie méi eppes vun deem Tëschefall héieren…

 

Gëschter wor eng Stad- a Landbekannte Perséinlechkeet op en Hoer an déi nämmlecht Situatioun gerooden. De Mann stoung mat sengem Auto um Schuman’s-Eck virun de roude Luten ze waarden, bei Gréng ass hien ugefuer an du koum, zur grousser Iwwerraschung, him säitlech en Tram entgéint. De Mann wor natiirlech fierchterlech erféiert a mat béide Féiss op d’Bremspedall gesprong. Geschitt wor näischt, ausser datt beim Mann de Bluttdrock op 100.000 geschoss war. Ech kennen dëse Mann schonn zanter Joerzéngten, an hie brauch bei mir keng déclaration sur l’honneur ze maachen, fir datt ech him d’Geschicht ofkafen. Also misst den Tram säin Zeechen op “rout” gehat hunn, oder awer, et gëtt tatsächlech e Probleem mat der Signalisatioun. Villäicht mellen sech mat dëser Geschicht nach aner Leit, déi an eng ähnlech Situatioun gerode waren.

 

wat d’Feier am Ënnergrondparking “Rousegäertchen” betrëfft: do si jo eng Partie Auto a Flamen opgaangen, an et heescht, datt och op d’mannst en Elektro-Auto drënner war. D’Batterie vun esou Ween brennt extreem gutt an d’Feier ass schwéier ze läschen. Dat fënnt een och esou um Internet:

https://www.futurezone.de/produkte/article216848967/Wenn-E-Autos-Feuer-fangen-warum-Elektroautos-nur-schwer-zu-loeschen-sind.html

Bon! Do kritt ee gäre virgehäit, et hätt een eppes géint den elektresche Woon, ma fir d’Diskussioun ze versachlechen, wär et gutt, wann d’Konklusiounen vun der Enquête, déi nach leeft, géingen integral veröffentlecht ginn: wéivill e-Auto stoungen deen Ament am Parking, wéivill vun hinnen woren Affer vun de Flame ginn a wéi grouss war den Impakt vun esou enger Batterie op dee ganzen Tëschefall?

Jenodem kritt d’Diskussioun iwwer d’Sécherheet an engem parking souterrain en aneren Dréi!

Related posts

Verloossen eng Äntwert

Required fields are marked *