Recent Posts

Post Categories

Zirkus an der Politik ronderëm den Atom 
Gebongt. D’Aussoen vum Premier Luc Frieden a vum Ëmweltminister Serge Wilmes iwwer déi lëtzebuerger Atomstrategie koumen zum falschen Ament an...
Frank Bertemes: Rettet das Saatgut! 
„Die Rettung der Menschheit besteht gerade darin, dass alle alles angeht.“ —  Alexander Solschenizyn Wenige Dinge sind so kostbar und...
Atmosphäresch Virkrichszäit 
Mir liewe momentan e bësselchen an der Ambiance vun “1938”. Deemools wosst den informéierte Mënsch ganz genee, datt eppes Gréisseres...
Thierry Simonelli: Luxemburgs Front gegen den Rechtspopulismus 
                                       ...

Blog Post

Gesondheet

Mécht Sport net och krank…wéinstens am Kapp? 

Mécht Sport net och krank…wéinstens am Kapp?
image crdits:pixabay

Daer Deeg goung ech eng éischte Kéier zanter 40 Joer mol nees engkéier laafen. No 10 Joer Paus wëll ech erëm Schi fuere goen, a matt 63 Joer bauen d’Muskelen sech net vum selwen op! Ei! Wat huet dat wéi gedoen! Net nëmmen d’Longen hu gepaff wéi Stalinuergelen – schliisslech goungen 292.000,5 Zigaretten an där Zäit d’Strass erof-, ma och d’Wueden an dat Déckt vum Been hu gequiitscht a sech opgeblosen wéi e Loftballong. An iwwerdeems ech mech gepéngecht hunn, eng Köppchen eropzekommen, gouf ech dobäi vun engem roude Schleek iwwerholl. Dat gouf et fréier net! Darwinismus pur!

Egal. Ech gi weider laafen, als Schihues wëll een sech jo net ze vill blaméieren. Ass dat gutt fir d’Gesondheet am Kapp? Net onbedéngt! Hätt ech kee Sport ugefangen, da wär et mat menger Gesondheet duerchaus duergaangen, all Moies während zwou Stonnen Zeitung ze liesen an duerno an de Bicher ze kromen, bei der Spull ze hëllefen an de Wues ze méien. Elo awer weess ech: an de leschte 40 Joer bass du tatsächlech e ganze Strapp méi aal ginn…an d’Jugend kënnt trotz dem Sport net méi erëm. Dat esou däitlech gesot ze kréien, dat hätt net musse sinn!

Related posts

Verloossen eng Äntwert

Required fields are marked *