Recent Posts

Post Categories

Och déi politesch Oppositioun huet hire Kräizwee ze goen 
D’Sozialisten sinn an där nämmlechter Situatioun ewéi 11 Joer virdrun déi Chrëschtlechsozial: raus aus der Regierung, raus aus dem Alldagstratt,...
Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...

Blog Post

Innepolitik

Kannergepiddels an der Chamber 

Kannergepiddels an der Chamber

D’Djuna Bernard ass d’Co-Presidentin vun deene Gréngen. Si ass also net egal ween. Am Interview mam Paperjam sot si kierzlech, si kéint sech virstellen, déi éischt gréng Staatsministesch ze ginn.Elle ne se prend pas pour de la merde! seet de Fransous, obwuel, bis dohinner ass nach e wäite Wee ze goen. D’Madame misst sech wéi de Robert Habeck an Däitschland en Drei-Tage-Bart wuesse loossen, a virun allem, si muss nach vill politesch bäiléieren.

Gëschter zum Beispill am Plenum vun der Chamber, wou si e fervente Plädoyer gehalen huet, fir eng Crèche an der Chamber – oder an den alentouren, fir weiblech a männlech Politiker, fir d’Fonctionnairen a Beamten, déi fir d’Chamber schaffen. Ausgerechent d’ADR koum mat enger Resolutioun, déi si viru Joer an deem nämmlechte Sënn am Plenum deposéiert hat. De Joergang vun där Motioun kruut ech op Chamber-TV net mat, dofir awer, datt déi Resolutioun deemools mat de Stëmmen vun deene Gréngen oofgebottert gi war.De Fernand Kartheiser – souzesoen den Urfeind vun der grénger Partei -huet also gëschter déi nämmlecht Resolutioun op en Neits zum Vote bruecht, mam Resultat:d’Djuna Bernard huet dergéint gestëmmt. Also awer keng Crèche!

Anscheinend huet de François Bausch op der Regierungsbänk gekacht an d’Madame war no bei den Tréinen. Esou geet Politik muennechmol, awer  mam vum Faalen léieren d’Kanner bekanntlech goen, och an enger Chamber-crèche!

 

Related posts

Verloossen eng Äntwert

Required fields are marked *