Recent Posts

Post Categories

Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...
Mario Dichter: nie wieder? 
50 Milliarden €, vornehmlich erwirtschaftet aus unser aller Arbeit und damit Lebenszeit, macht die „Europäische Union“ in den nächsten Jahren...

Blog Post

Divers

Hanner Biekerech sackt eng Strooss an! Käschtepunkt? Just Steiersuen! 

Hanner Biekerech sackt eng Strooss an! Käschtepunkt? Just Steiersuen!

Den Thierry Lagoda ass houferege Buergermeeschter vu Biekerech an zugläich, e geplote Mann! D’N24 am Ausgang vu senger Uertschaft an Direktioun Hitten ass zum Deel gespaart. Ponts et chaussées kënnen net schaffen, net well si net wëllen, ma net duerfen. D’Strooss ass nämlech op engem klenge Stéck agesackt a Schold dorunner ass eng Familjen Dachsen, déi ënnert der Strooss hire Bau installéiert huet. P&C huet schonn am September zejoert eng Autorisatioun am Ëmweltministère agereecht, well den Dachs steet zanter 1984 ënner Naturschutz. Den 19. Mäerz dëst Joer- also 6 Méint duerno- koum endlech de feu vert. D’Strooss däerf gefléckt ginn, allerdéngs just ënner bestëmmte Conditiounen. Kuckt Ierch den Text unn, deen de Buergermeeschter u seng Awunner verschéckt huet; einfach nëmme genéissen:

https://www.dropbox.com/s/smvz4ox4oyo9cby/IMG_1247.JPG?dl=0

Verwurrelt Situatioun also! Esou en Dachsbau kann 800 Meter laang ginn! Biekerech géif quasi vun der Baussewelt ofgeschnidde ginn. Villäicht läit d’Léisung doranner, datt de Buergermeeschter eng Koppel Wëllef op Amazon bestellt: hien ass bekanntlech den natiirleche Feind vum Dachs an deen däerf dat!

Wat de Spaass wuel kascht? Bis ewell si jo eng Hällewull Leit schonn an d’Geschicht involvéiert:de Buergermeeschter a säi Personal, Ponts et chaussées, Personal am Ministère, ech ginn derfunner aus, de Feeschter (wee baut iwwregens deen artifiziellen Dachsbau? Muss deen vum Ministère als Plang ënnerbreet ginn? Speziell Gesellschaft?),Techniker oder Informatiker fir de Bau per Kamera ze iwwerwachen an déi 21 Deeg mol 24 Stonnen auszewäerten, etc. Gutt, datt mir eng Optioun geholl hunn op den 1,2 Mio.-Awunnerstaat!

D’Famill Frech-Dachs huet hieren Numm net geklaut.

 

 

Related posts

1 Comment

  1. Annick Boltz

    Moien, merci fir aeren artikel. Zur info: et lait net hanner beckerich mé zu beckerich. Mir wunnen och nach do…… dir kennt gaeren bis luussen kommen fir e weideren artikel a fotos. Den dacks as eisen nooper!!
    Mir leiden ennert dem traffic dén hei nach mei laanscht rennt wei virdrun, net ze schwätzen vun den autos stecker dei mir schon hei opgeraaf hun wou et scho geknuppt huet. En plus as strooss total gerass an huet lächer. Weini fällt se an? Et as eng fro vun der zaitbomm…..
    Merci villmols. A.

Verloossen eng Äntwert

Required fields are marked *