Recent Posts

Post Categories

Iwwer d’Feigheet vun der Press 
An Amerika zitt sech de Joe Biden aus der Presidentecourse zeréck. Eng Decisioun déi iwwerfälleg war! An eng Decisioun déi...
Iwwer déi Haart mat de mëlle Baken 
De Staatsbeamten a -Fonctionnaire genéisst de Ruff, extreemt Sëtzlieder ze hunn. Et däerf een sech also net weider wonneren, datt...
Affär Gaardenhaischen: Solden an der Justiz? 
Et muss ee soen wat ass: et si scho  Gelungener, eis Dammen, Hären a * vum Parquet. Si si fräi...
Frank Bertemes: Immer wieder Krieg? 
„Fünf große Feinde des Friedens wohnen in uns: nämlich Habgier, Ehrgeiz, Neid, Wut und Stolz. Wenn diese Feinde vertrieben werden...

Blog Post

Innepolitik

Genossen an déi Gréng schneiden sech an d’eegent Fleesch 

Genossen an déi Gréng schneiden sech an d’eegent Fleesch
Image par Werner B. de Pixabay

an der Gemeng Lëtzebuerg wollt déi politesch Oppositioun – LSAP, Gréng a Lénk- vu sech schwätzen doen a koum mat der Propositioun, d’Grondsteier eropzesetzen. Wuelverstanen, just fir d’Kategorie B6, déi d’Terrainen betrëfft, ob deene ka gebaut ginn. Déi geplangten Hausse sollt eigentlech gepeffert ausfalen, vun ablacklechen 500 Euro am Schnëtt op 15.000! Also gläich e Multiplikatiounsfacteur vun 30! Recht hu se. Géif et sech just ëm eng zëmperlech Erhéijung handelen, géingen verschidde Proprietären sech eng Boss voll laachen. Dobäi späizen sech allerdéngs besonnesch déi Gréng op de Kënn!

et handelt sech ëmmerhinn ëm 117 Hektar Land, dat kéint bebaut ginn. Also duerchaus vill Terrain, deen allerdéngs ënner iwwer 420 Proprietairen opgedeelt ass. Si géifen all bestrooft ginn fir hiert Stéck Land broochleien ze loossen, dorënner natiirlech eng Rei Promoteuren; gutt zwee Drëttel awer sinn a privatem Besëtz. An dat ass d’Topwielerschaft vun der grénger Partei. Am Kontext vun der Sonndesfro hat d’Lëtzebuerger Wort e leschten Donneschdeg (2. Juli) geschriwwen: “ Grüne Politik kommt bei den hohen Einkommensschichten gut an (06), in den unteren Einkommensschichten ist man anderer Meinung (-0,3). Keine andere Partei hat derart auseinanderdriftende Werte.

image credits: Wikipedia.org

Deene Gréngen goung ze spéit d’Späicherliicht un; fir d’Motioun zeréckzezéien wor et ze spéit. Dobäi sëtzt hir Clientèle nawell gären um Cents oder um Lamperbierg, vu Méindes bis Freides mam Elektroauto ënnerwee, de Weekend den décke SUV aus der Garage geholl, mat hannendrop zwee e-Biken – vum Staat gesponsert. Gréng sinn nun emol déi besser Blo, op d’mannst déi méi modern Blo. Eriwwer sinn d’Zäiten wou an enger grénger Koppel Haschich-Kuch gebak a Strëmp gestréckt ginn. Grad ewéi d’Genossen, déi sech zanter 20 Joer och an der politescher Mëtt beweegen. D’Handwierk zum Beispill interesséiert d’LSAP séier wéineg, aus der einfacher Ursaach, well net vill Lëtzebuerger, also Wieler esou ee Beruff ergräifen.

déi blo-schwaarz Koalitioun um Knuedler huet déi Motioun natierlech net matgedroen. Si kënnt mam Verspriechen, bis d’Enn vum Joer eng Spekulatiounssteier ze proposéieren. Quetschen och! äntwerten do déi Gréng. Ëmmerhin hat Helmingesch Paul et schonn mat esou enger Steier probéiert….und versagte kläglich! Dobäi wier esou eng Steier awer méi gerecht.

Do ginn et Familljen – Schmit, Weber, Müller etc- déi sech ës gutt stinn an en Terrain kaf hunn fir deen an 2-3 Joer hirem Nowuess ze iwwerloossen. Ass et gerecht, déi Leit mat enger fatzeger Grondsteier ze bestrofen? Aus wat fir engem Grond, ofgesinn vun eiser Jalousie, déi mir hunn vis-à-vis vun esou gutt gestallte Familljen? Et sollen och Leit ginn, deenen hiren Terrain eréischt kierzlech an de Bauperimeter opgeholl ginn ass; et misst een deene Persounen op d’mannst eng Schounfrist vun e per Joer loossen!

Doniewt géif d’Ongerechtegkeet tëscht der aler valeur unitaire vun der Steier an där neier valeur nach méi grouss ginn. Deen ee Proprietär, deen den Ament 300 Euro fir säin Terrain muss bezuelen, géif op 9000 klammen; dee méi ‘jonke’ Besëtzer, deen haut 1000 Euro berappt, kéim op 30.000! Hat sech net do schonn Gambia 1 selwer verpflicht, endlech mat enger allgemenger Reform vun der Grondsteier ze kommen, eng Reform déi schonn viru Joerzéngten hätt solle kommen? Ma de Leit Suen aus der Täsch zéien kënnt net gutt un!

Waarde mir et of. Gréng a Rout hu sech mat hirer Motioun an d’eegent Fleesch geschnidden; Blo a Schwaarz sinn allerdéngs zanter dësem Méindeg gefuerdert: well d’Wunnengsnout ass grouss, e Sujet, mat deem duerchaus Wahlen kënne gewonnen oder verluer ginn! An eng Spekulatiounssteier trëfft virun allem déi eigentlech Blo, souzesoen d’Original, an där déi richteg Déck sëtzen…

Related posts

Verloossen eng Äntwert

Required fields are marked *