et war roueg ginn ëm den Dossier vun de fichier an der Justiz a bei der Police. Kee Wonner! Déi zoustänneg Ministeren Sam Tanson a François Bausch haaten- no laangem Gerëffels- der Kritik vun der gesamter politescher Oppositioun Recht ginn. De Bausch hat sech am November esouguer formell derzou engagéiert, datt wéinstens d’AT (avertissements taxés) aus deem ominéise Fichier huerteg génge verschwannen, an esou fären se dann bezuelt sinn.
De Mëtten war et eriwwer mat der Rou. Déi zoustänneg Chamberkommissioun koum zesummen. Hir Memberen hu gestaunt wéi d’Kanner am BIMBO-Theater wéi den Här Neuens, Generaldirekter adjoint vun der Police bekannt gouf: “Mir hunn en technesche Probleem! Geschitt ass näischt. D’AT sinn nach ëmmer do!” De Polizeiminister huet natiirlech domm aus der Wäsch gekuckt, a wir bal aus der Box gefuer, wéi d’Police matt der Propositioun geschäert koum, datt an d’Zukunft d’AT weider géinge gesammelt ginn, an no 2 Joer dann automatesch géingen aus dem fichier verschwannen, virausgesat nach ëmmer, si sinn bezuelt!
De François Bausch huet liicht d’Fuerf am Gesiicht geännert, sech bei de Kommissiounsmemberen entschëllegt an der Police säin Uerder widderholl: d’AT mussen fort aus dem fichier: Sir!Yes!Sir! Da wënsche mir deenen Uniforméierten “gutes Gelingen”. Ob si en Délai raisonnable gesat kruuten, entzitt sech menger Kenntnis….
