Recent Posts

Post Categories

Halloween fir eeler Hausbesëtzer an der Stad? De Schoss vun der stater Oppositioun goung no hanne lass! 
Tëscht Kleeserchersdag an Helleger Owend geet et an de Gemengen wéi beim Staat ëm de Frickesak, also ëm de Budget....
Europa: Fit fir zesummen an de Krich? 
All Dag steet e Mëllen aus dem Bett op a wëll d’Welt nerven! An der Aviatioun gëllt reegelméisseg Bommenalarm, aus...
The Bering Strait Tunnel: From Intercontinental Link to a Governance Ecosystem 
Dëse Blog gëtt zanter sengem Ufank op Lëtzebuergesch gehalen an zugläich an däitscher an a franséischer Sprooch. Déi lescht zwee...
Cash fir Bores an der Politik 
Déi klassesch Parteien sollen sech. bei der eegener Nues huelen. Reegelméisseg behuelen si sech méi domm wéi et den demokratesche...

Blog Post

Schnoken

Fällt Lloret de Mar dëst Joer an d’Waasser? 

Fällt  Lloret de Mar dëst Joer an d’Waasser?
De 24. Mee geet eis Jugend nees engkéier net an d’Schoul, ma op d’Strooss: Freides Nomëttes gëtt fir de Klima gestreikt! Et gëtt sech elo schon drop gefreet, d’Rout Bréck ze besetzen an zouzemaachen. Dat gëtt bestëmmt flott! Super-mega-gäil! A vum Kierchbierg erfort geet et fir eng Partie vun deene Jonken den Dag drop op d’Péngschtcroisière oder a sos eng Vakanz. Déi, déi sech et kënne leeschten, päifen op den CO2.

Wann d’Primaner hieren Examen hannert sech hunn, wëllt et eng schonn aal Traditioun, datt déi jonk Leit feieren. Awer net zu Lëtzebuerg! Neen, et geet an d’Sonn! Op Lloret de Mar! Déi eng huelen de Bus, déi aner de Flieger! Et ass keng Kulturrees, fir sech

Image parbridgesward de Pixabay

weiderzebilden, et ass eng Erhuelungsrees, wou et an der Haaptsaach ëm saufen a biischte geet. Natiirlech sinn dat och zwou wichteg Bekanntschaften am Liewe vun enger jonker Persoun, an ech wäer net éierlech, wann ech géing behaapten, net och emol ze déif an d’Glas gekuckt ze hunn. Ma meng Generatioun huet dat nach a Clausen/Gronn gemaach; haut awer gëtt den “avion” geholl, fir wäit ewech ze feieren. Ech wënsche jidderengem vill Spaass dobäi.

Et wier allerdéngs eng gutt Geleegenheet gewierscht, hei en Exempel ze statuéieren an op déi Rees ze verzichten, eben, fir ze weisen, datt engem de Kampf géint de Klimawiessel net egal ass, datt een et wierklech eescht mengt! Op d’mannst hätt ee kënnen mam Zuch a Spuenie fueren, ganz nom Virbild vum Gretha. Elo ass et wuel ze spéit; dann ass et fir dat anert Joer! Haut waren et jo mol 8 Studenten, déi virun der Chamber fir de Klima demonstréiert hunn. Donneschdes Mëttes ass keng Schoul! Ma ëmmerhinn 8 Manifestanten, et ass alt dat!

Related posts

Verloossen eng Äntwert

Required fields are marked *