Recent Posts

Post Categories

Och déi politesch Oppositioun huet hire Kräizwee ze goen 
D’Sozialisten sinn an där nämmlechter Situatioun ewéi 11 Joer virdrun déi Chrëschtlechsozial: raus aus der Regierung, raus aus dem Alldagstratt,...
Europäesch reality show 
Hutt Dir et och schonn héieren? Am Juni sinn Europawahlen, déi awer keen ze interesséiere schéngen. Grouss thematiséiert goufen se...
Ieselsdrot fir den Drotiesel 
Wat si mir e verwinntent Vollek. Den ëffentlechen Transport ass bei eis gratis. E schéine Subsid vun der ëffentlecher Hand,...
Invasioun vu Busser zu Weiler-um-Tiermchen 
Schonn 2013 -2015 hat et an där schmocker Gemeng Weiler-zum-Tiermchen Remmidemmi ginn wéinst Kaméidi. An der rue des Forges konnten...

Blog Post

Divers

D’Madamm Astrid Lulling gouf viru Geriicht rehabilitéiert 

D’Madamm Astrid Lulling gouf viru Geriicht rehabilitéiert
image credits:Wikipedia

 

D’Astrid Lulling huet zwar 92 Joer, ma ass ëmmer nach gutt drop. Op Schlass Bierg war si sech virun 30 Méint mat der Grand-Duchesse Maria Teresa an d’Hoer geroden. Et goung am eegentleche Sënn vum Wuert ëm Fraegeschichten. Ëm Fraerechter. Dat Gespréich am Summer hat – die Wege des Herrn sind unergründlich!- seng Konsequenzen den Hierscht drop. D’Madamm Lulling an hir Fédération nationale des femmes luxembourgeoises gouf am Conseil National des Femmes  virun d’Dir gesat. Si huet net laang gezéckt a sech en Affekot geholl. 2 Joer méi spéit krut si Recht.

der Grand-Duchesse goung et deemools  wéi gesot ëm d’Fraerechter, also och ëm hir eege Rechter, a virun allem als Fra un der Säit vum Grand-Duc. An deem Gespréich war si der Meenung, zu Lëtzebuerg wär et net wäit hiergeholl mat deene Fraerechter, wat natierlech eng riicht op de Bak war fir all déi Fraen, déi sech déi lescht 50 Joer fir d’causa femina agesat hunn.

Et muss nawell héich hiergaange sinn, well d’Madamm Lulling huet der Grand-Duchesse en echte Verglach virgehalen: an der Ranguerdnung vun der Monarchie däerf d’Fra vun engem Kinnek sech Kinigin nennen; steet awer de Mann zur Säit vun enger Kinigin, däerf deen sech just Prënz nennen. E flagrante Fall vu Sexismus!

Méi Detailer aus deem Gespréich waren net gewuer ze ginn. D’Alentouren vun der Grand-Duchesse dementéieren formell, datt d’Madamm selwer sech un de Conseil National des femmes geriicht hätt fir hiert Leed ze kloen, esou wéi ech et an engem éischte Worf geschriwwen hat. Virun zwee Joer hat ech an engem aneren Artikel e.a. drop higewisen, datt déi zwou Madammen sech drop gëeenegt haten, datt hiert Gespréich sollt confidentiell bleiwen. An nawell goung déi Geschicht vu Mond zu Ouer weider an am Hierscht  war Versammlung vum CNFL an do gouf dem Astrid Lulling hir Federatioun aus dem Daachverband ausgeschloss.

Wéi gesot, déi fréier Politikerin huet sech gewiert, goung op d’Geriicht a si krut an engem ganz rezenten Urteel elo Recht. Dat heescht näischt aneschters ewéi datt hiren Ausschloss rechtswiddereg war. D’Exklusioun vun hirer Federatioun ass mam Verdikt annuléiert ginn. Also ass d’Federatioun, déi an der Zäit vun der Madamm Liliane Thorn-Petit an d’Liewe geruff gi war, nees vollwäertege Member vum Consel national des femmes.

Et sief, dee géing an Appell goen. Ma da wier et wierklech fir d’Flemm ze kréien!

Related posts

Verloossen eng Äntwert

Required fields are marked *