Recent Posts

Post Categories

D’Justiz ass kee politeschen Acteur! 
Zanter enger Woch ass de John Petry a senger neier Fonctioun als Staatsprocureur. Hien huet domadder d’Successioun vun der Martine...
3 Joer Krich an der Ukrain: och am Westen net ëmmer déi ganz Wouerecht 
Et ass evident, datt de Russ bei sech doheem net déi ganz Wouerecht iwwer de Krich erzielt kritt. A wéi...
Frank Bertemes: Krisenfall Demokratie 
„Eine Stimme ruft aus dem Chaos: Lächle! Denn es könnte schlimmer kommen… Ich lächelte… Und es kam schlimmer!“ Dieses Zitat...
An engem Joer d’Alice Weidel däitsch Bundeskanzlerin? 
D’Fro an der Iwwerschrëft as provokativ, ma duerchaus realistesch. Et hänkt alles dovunner of, wéi staark oder schwaach déi verschidde...

Blog Post

Europa

D’Europawahlen, e Witz, eng farce!? 

D’Europawahlen, e Witz, eng farce!?
image credits: pixabay

Déi, déi sech et leeschte konnten, sinn also elo zeréck vun Ischgl a Co. Näechsten Termäin: Péngschtcroisière, an an déi Vakanz falen d’Europawahlen vum 26. Mee, dat heescht, an exakt dräi Méint. Do bleift net méi vill Zäit, an eng Partie Parteien hu mol nach net hir Kandidatelëscht stoen. Eng CSV wëll dat Ugangs Maerz maachen an et ass esou gutt wéi sécher, datt de President Engel op eng Lëscht sätzt mat lauter neien an éischter onbekannte Kandidat*innen, also och ouni d’Viviane Reding, där hir politesch Carrière domatter och un den Nol ka gehaange ginn. Dat mécht Sënn: engersäits kann ee sech als Partei den image ginn, datt een op dee berüchtechten “renouveau” setzt; anerersäits steet esou gutt wéi fest, datt deen 3. Europasëtz vun der CSV futsch ass, a mat enger Lëscht mat lauter frëschem Blutt kann ee sech liicht erausrieden. Trotzdeem ginn d’Europawahlen en éischten Test fir den neien CSV-President!

 

Et fänkt u knapp ze ginn mat der Zäit! Wou sinn d’Kandidaten/innen? Wou ass de Programm vun de Parteien fir déi Wahlen? Et gëtt jo ëmmer nees a gären drop higewisen, datt Lëtzebuerg net ouni europäesch Unioun

image credits:pixabay

kann auskommen, weder finanziell/wirtschaftlech, nach sos. Dat stëmmt och ouni Zweiwel, ma de politeschen Asaz léisst dach staark ze wënschen iwwereg. Geschwënn maachen d’Leit hir demande fir d’Bréifwahl a schécken hiren Ziedel an, ier d’Campagne esou richteg lass geluecht huet!

Fréier wor dat mat den Europawahlen net esou opgefall: bis 2009 hu mir ëmmer um nämmlechten Dag national gewielt, plus europäesch; domatter wor eng héich Participatioun garantéiert, an et konnt een ëmmer soen: d’Haut ass dem Wieler méi no ewéi d’Hiem, den Haaptinteressi loung bei den Nationalwahlen! Dëst Joer musse mir eis extra fir d’EU deplacéieren. Et misst een aver geschwënn wëssen, virwat ee wiele geet…oder geet do e Prabbeli duer, deen een als Gadget vun engem vun de Kandidaten an d’Hänn gedréckt krut? Wou bleiwen all déi Stëmmen, déi ëmmer nees virun den Euroskeptiker waren, dem Populismus?! Denkt drunn: tëscht Ischgl a Péngschtcroisière gëtt et och nach zwou Wochen Ouschtervakanz…

 

 

 

Related posts

Verloossen eng Äntwert

Required fields are marked *