Déi Gréng drécken hier Clientèle op d’A!

0
2983
image credits:Kaiser's garden

Esou just matzäiten fir den Autofestival wénken déi Gréng matt engem Subsid vu 5000€ fir en elektresche Woon. Dat ass schonn e bësselche bosseg, well, d’Decisioun, sech en E-Auto ze kaafen, hëllt een net wéi wann een tëscht Mëllech- oder Waasserbréidercher ze wiélen hätt. Vun engem Bensiner op en Diesel ze wiesselen, oder ëmgedréit, fällt jo nach liicht. Ma op en elektresche Woon eriwwerzewiesselen, dat ass – am Gambia-Jargon- e Paradigmewiessel. Do iwwerleet een duerchaus méi laang, schliisslech ass den Investissement méi héich an et muss een och doheem kucken, déi néideg Statioun installéiert ze kréien, fir opzelueden.  Also iergendwéi eng aner Welt an d’Offer vun engem Subsid kënnt spéit!

Dee Subsid koum nëmmen hallefhäerzeg a wäert menger Meenung no, net vill Leit motivéieren. Waat déi meescht vergiess hunn: esou e Subsid war schonn vun där läschter schwaarz-rouder Koalitioun decidéieert ginn, och deemols schonn, ouni groussen Erfollech. D’Dräierkoalitioun hat  dunn ouni gréisser Explikatiounen dee Subsid gestrach: ë war d’Affer ginn vum Spuerprogramm! Dir erënnert Iech jo un déi 253 Spuermooossnahmen, oder? Elo dann, wou et definitiv net u Suen feelt, kënnt de Subsid zeréck. Also dach éischter eng ekonomesch ewéi eng ekologesch Decisioun?!

 

LEAVE A REPLY

Please enter your comment!
Please enter your name here