De richtegen Term ass: de Minister gouf “dédouanéiert”. D’Procureure générale Martine Solovieff léisst wëssen, datt de Minister sech an dëser Saach als “resposable civile” beholl hätt. Ech huelen dat zur Kenntnis a respektéieren dat. Ech sinn awer ëmmer nach der Iwwerzeegung, datt et gutt war, dëse Courrier vum Minister an der Ëffentlechkeet ze thematiséieren; ech fille mech doranner ëmsou méi confirméiert, well och de Professer Luc Heuschling, zoustänneg fir d’Verfassungsrecht op der UNi Lëtzebuerg, um Radio 100,7 vun enger klorer Violatioun duerch de Minister geschwaat huet. Also dach, verschidde Meenungen an Interpretatiounen….
Egal: d’Justiz huet kloer an iwwerraschend séier tranchéiert a mir mussen dat esou unhuelen!
