Recent Posts

Post Categories

FRANK BERTEMES: Des Friedens Kern 
Am 28. Juni strömten sie – ob vierzehn- oder fünfundzwanzigtausend, wer zählt das schon bei Volksbewegungen? – Richtung Knuedler. Und...
Von Cannes bis zum Gerichtssaal: die Wahrheit hinter Luxemburgs Filmglamour  
Während Millionen Steuergelder via Filmfund in die Taschen einer kleinen Zahl von sogenannten Filmproduzenten fließen und das Parlament jetzt  vor...
Frank Bertemes: Unterwerfung? 
Trumps Wille geschehe    – das beim NATO-Gipfel. Man kommt allerdings nicht umhin, sich ob der klaren Vorgaben dieses Machtmenschen,...
Manif um Knuedler: Fencheltéi a Spackelter 
Et huet sech erëmgeschwat: de Lëtzebuerger geet net gären op d’Strooss fir ze demonstréieren. Hie weess: wann a sengem Land...

Blog Post

Europa

D’CSV an hieren Engel! 

D’CSV an hieren Engel!
im,ge credits: Wikipedia

Eng gewëssen Iwwerraschung ass et schonn: de Frank Engel gouf zum neien CSV-Parteipresident gewielt! Viru Wochen hätt ee sech dat nach net kënne virstellen, ma déi lescht 10 Deeg gouf ëmmer méi däitlech, datt d’Course tëscht him an deem anere Kandidat, Serge Wilmes géif ausgoen wéi am Photo-finish. Deementspriechend knapp ass d’Resultat ausgefall: 54 Prozent wore fir den Engel. Do ka kee behaapten, et wier e gudde Score! D’CSV ass souzesoen an zwee Lager gedeelt, waat eng schwiereg Ausgangspositioun ass fir deen neie Mann un der Spëtzt, deen et elo muss fäerdeg bréngen, seng Géigner op seng Säit ze bréngen. Ass de Frank Engel dozou am Stand?

Déi Parteidelegéiert, déi fir den Engel gestëmmt haten, wollte mat Sécherheet eng méi kanteg Persoun un der Spëtzt vun der Partei gesinn, wahrscheinlech mat enger Tréin am Knäpplach fir déi schéin, al Zäiten ënner engem Jean-Claude Juncker. Si wollten net de Serge Wilmes, dee fir si kee richtegen ‘renouveau’ bedeit hätt, waat een och ëmmer dorënner wëll verstoen.  Datt Journalisten sech an der Ëffentlechkeet den Engel als neie Mann gewënscht haaten, seet genuch: si erwaarden sech vun him déi eng oder aner knallhaart Ausso…eventuell och e faux-pas?!

De Mann, deen déi lescht Joer an europäesche Sphären verbruecht huet, muss sech elo ganz séier an déi national Politik eraschaffen, well, zanter haut gëtt hien net méi  vu politesche Géigner a vu Journalisten als Honorarkonsul vun Armenien observéiert, ma als President vun der gréisster Partei zu Lëtzebuerg! An ëmmerhinn besteet fir hien op d’mannst déi theoretesch Méiglechkeet, a 4 Joer zum Spëtzekandidat fir déi nächst Wahlen opgestallt ze ginn.Bis dohinner ass allerdéngs nach e wäite Wee ze goen…e ganz wäiten!

Related posts

Verloossen eng Äntwert

Required fields are marked *