Recent Posts

Post Categories

Frank Bertemes: Marschrichtung Rechts ? 
“Reihe rechts – Ohne Tritt – Marsch!“ Das militärische Exerzieren riskiert (leider) auch eine nicht neue politische EU – Marschrichtung...
Gaston Vogel: LA C.P.I.ET NETANYAHU 
La C.P.I. est saisie de la requête de son Procureur aux fins de lancer tant contre les chefs du HAMAS...
Pandemie-Politik: Eng Enquête-Kommissioun zu Lëtzebuerg? 
No all där Opreegung ëm déi vill schlëmm a manner schlëmm Konsequenzen ëm deen ominéisen Topic „Pandemie “ an och...
Zirkus an der Politik ronderëm den Atom 
Gebongt. D’Aussoen vum Premier Luc Frieden a vum Ëmweltminister Serge Wilmes iwwer déi lëtzebuerger Atomstrategie koumen zum falschen Ament an...

Blog Post

Gesellschaft

Luxus-Vollen mat der Luxair 

Luxus-Vollen mat der Luxair
luxair.lu

Bei eiser nationaler Loftgesellschaft LUXAIR muss een Ëmdenke kommen! Ëmmer méi Leit iergeren sech iwwer e schlechten Zerwiss um Client. D’Zäite sinn eriwwer wou d’Passagéier – zesummegepercht wéi an enger Héngerbatterie- sech mat engem Schotz lëtzebuerger Crémant vertréischte loossen. D’Leit hätte gäre méi fir hiert Geld: si wëlle virun allem sech op “hier” Gesellschaft kënne verloossen. Ëmmer nees kënnt et vir, datt Vollen fatzege Retard kréien, an datt d’Leit am Reen stoe gelooss ginn, ouni grouss Erklärungen. Virun engem Joer huet den Direkter Gilles Feith sech driwwer beschwéiert, datt d’Fliger-Flott ufänkt an den Alter ze kommen, datt ze spéit dru geduecht gouf, si lues a lues auszetauschen- eng an d’Gladder fir de ganze Verwaltungsrot. 12 Méint drop schéngt sech nach net esou vill bei der Luxair gedoen ze hunn: nach gëschter Owend hat eng Maschinn vu Malaga op Lëtzebuerg iwwer 4 Stonne Verspéidung krut. Ee vun de Passagéier – de Claude Nesser-  huet sengem Ierger Loft gemaach an dem Generaldirekter dat heiten zoukomme gelooss.

Léif Luxair

Alt erëm en Dag wou’s Du Dengem Numm all Éier méchs. De Vol vu Malaga op  Lëtzebuerg war fir 10 op 8 programméiert. Dëse Vol geet elo mat e bësselche Chance ëm 23:57 eraus! Eng Verspéidung kann ëmmer virkommen, quitte datt dat bei Dir vill ze dacks de Fall ass. Mä da kéint ee jo seng Clienten am Virfeld doriwwer informéieren: net eréischt um 17:57 esou wéi’s Du dat méchs, mä wäit virdrun, well Du weess jo dass Du ze spéit kënns. Da kënnen Deng Clienten sech organiséieren an eppes méi Gescheites maachen ewéi op engem Flughafen ze hänken.

Ech hoffen, datt d’Leit an Zukunft op ëmmer méi Destinatiounen déi’s Du uflitts, léif Luxair, op Konkurrenz kënnen zielen. Villäicht gëss Du Dir dann nees e bësselche méi Méi!
A léif Luxair: so wannechgelift Dengem Direkter, dem Gilles Feith, hie soll ophalen sech an de Medien haart Gedanken ze maachen fir vum Flughafen Metz/Nancy/Lorraine d’Offer auszebauen, éier’s Du Deng Hausaufgaben zu Lëtzebuerg gemaach hues.

Vill Courage léif Luxair fir d’Summersaison an zugläich vill Gedold fir Deng Clienten!

De Vol gouf ëmmer nees recaléiert, fir d’éischt op hallwer 12 Nuets,IMG_9503 schliisslech konnt d’Maschinn um 24:03 ofhiewen. Also iwwer 4 Stonne Verspéidung, glécklech deejéinegen dee säi Billjee mat Visa-Kaart bezuelt huet. Dee ka mat engem Remboursement rechnen…virausgesat, déi administrativ Prozedur ass net den totale Dschungelcamp. Als Ursaach fir deen Tëschefall soten déi vun der Luxair: et gouf en technesche Probleem mam Fliger an eng aner Maschinn stoung net zur Verfügung. Um 3 Auer 30 de Moie sinn d’Vacancier schliisslech um Findel gelant…si brauchen elo schonn nees dréngend Vakanz…

Related posts

Verloossen eng Äntwert

Required fields are marked *