Recent Posts

Post Categories

Informatiounsrecht kënnt viru Versammlungsrecht 
Déi groussherzoglech Press probéiert, e bësselchen Tapage ze maachen ronderëm dat geplangte Gesetz fir d’Demonstratiounsrecht zu Lëtzebuerg.Tipptopp! Ma dobäi däerf...
Frank Bertemes: Politik und Integrität 
Sein Mut, seine Würde, seine Integrität machen ihn zu einem Vorbild für uns alle. António Lobo Antunes   “Die Opportunität...
Pierre Obertin: Die Task Force-Files 
De Pierre Obertin ass aktiv am Grupp Expressisverbis, wou hien an de leschte Joer reegelméisseg Artikele publizéiert huet. Säi Leschte...
Doudege Wénkel am Ëmgang mat de Rietsextremen? 
Et ass eng verkackte Situatioun! Den Duo ” Trusk” huet eng demokratesch Diskussioun an de Beräich vun der Science-fiction gedriwwen....

Blog Post

Gesellschaft

Allô, Lëtzebuerg! Mir hunn e Problem! 

Allô, Lëtzebuerg! Mir hunn e Problem!
Image par Thomas Breher de Pixabay

Den Ament dreiwen jugendlech Banden hiert Onwiesen a Stroossen a Gaassen vun der Stad Lëtzebuerg. Kuelegaass, Beaumontsgaass, Philippesgaass, Gare, Bouneweg, Lamperbierg. D’Haaptsaach ass, d’Affer huet eng gëlle Ketten un ronderëm den Hals, eng Rolex um Arem, déi ee labber kann erofrappen. Et handelt sech dobäi ëm Persounen, déi aus dem Maghreb kommen. Dat seet een awer net, well sos déi Leit stigmatiséiert ginn.

Et kënnt vir, datt d’Police ee vun hinnen ka festhuelen. Deen huet awer dann keng Pabeieren bei sech a behaapt, mannerjäreg ze sinn. Da gëtt dee berüchtegte Schankentest gemaach, géint dee sech den Ausseminister Asselborn virun zwee Joer esou medienträchteg gewiert hat, fir den Alter eenegermoosse korrekt anzeschätzen. Dat dauert awer an der Reegel tëscht e puer Deeg an e puer Wochen. Wouhinner esou laang mam Delinquent?

In dubio pro reo! Also gëtt dem Jugendlechen gegleeft, datt hie mannerjäreg ass a gëtt op Dräibuer transportéiert. Strubbelvoll! Déi wéineg Plazen sinn all besat. E Mannerjäregen och nëmmen eng eenzeg Nuecht am Bing fir Erwuessener verbréngen ze loossen, dat ass en absolutten no-go. An also gëtt dee jonke Mënsch op fräie Fouss gesat.

Wéi den Zoufall et esou wëll, d’Police ass munchmol net esou domm wéi si et selwer erlaabt. Déi lescht Woch hat si esou e Jugendlechen fir d’éischt festgeholl an dunn nees lafe gelooss, wéinst de bekannte Problemer zu Dräibuer. Den Dag drop war hier schonn nees esou e jonke Borscht an d’Gräpp gelaf an, kuck do!, et war deen nämmlechten wéie puer Stonne virdrun. Si huet hien eng zweete Kéier musse fräi loossen. Doriwwer gëtt awer net an der Ëffentlechkeet geschwat, well et kéint sech jo tatsächlech ëm e Mannerjäregen handelen.

D’Gesetz verbitt et der Police, der Press Detailer zu esou engem Fall bekannt ze ginn. Ma et héiert een ëmmer méi dacks vu Frustratiounsgefiller bei den Uniforméierten, déi sech souwisou vun hirem Minister am Stach gelooss fillen. An et héiert ee bei de Riichter eng ëmmer méi grouss Roserei eraus. Si sinn sech bewosst, datt, sollten déi Iwwerfäll am nämmlechte Rhythmus weidergoen, si selwer wäerten zum Buhmann vun der Natioun ginn. Déi Roll wëllen si net an iergeren sech iwwer d’Politik.

Domadder sinn zwee gréng Ministeren zum Danz opgefuedert. Den Henri Kox vun der Police an d’Sam Tanson vun der Magistratur.Den Ament setzen si allenzweee op eng valse lente….

 

 

 

Related posts

Verloossen eng Äntwert

Required fields are marked *