Corona-Virus um Krautmaart: zousätzlech Informatiounen a Präzisiounen!

0
430
Image par Gerd Altmann de Pixabay

Den Artikel http://3.127.214.33/corona-virus-um-krautmaart-wei-eng-schlecht-formulatioun-zu-engem-shitstorm-feiert/ gouf vill gelies a kommentéiert. Onglécklecherweis war mäi Site gëschter Owend bis de Moien 9 Auer ofgestiérzt. Als Hannergrond wollt ech nach e puer Präzisioune ginn.

Dat Ganzt ass am Kontext vun der Corona-Kris ze gesinn. D’Deputéiert vu Majoritéit an Oppositioun waren sech viru Wochen eens ginn, den Ament keng parlamentaresch Froe méi un d’Ministeren ze stellen. Am Sënn vun nationaler Solidaritéit! Keng QP méi, fir mol hei an do ze picken, keng QP méi, fir d’Verwaltungen an dëse schwieregen Zäiten net zousätzlech ze belaaschten.

Als Géigeleeschtung gouf ofgemaach, datt op d’mannst eemol d’Woch de Bureau vun der Chamber mat der conférence des présidents zesumme kënnt, a Präsenz vun deem engen oder anere Minister. Well, et ka jo net sinn, datt d’Corona-Kris aleng vun der Regierung geschëllert gëtt, an d’Parlament virun der Dir muss waarden! Esou eng Sëtzung ass nees de Mëtten, a Präsenz vun 3 Ministeren matt hire Fachleit, am Ganzen iwwer 20 Persounen. Et mécht also duerchaus Sënn, dës Reuniounen net per Video-Konferenz ze organiséieren! Den Accord koum iwwregens mat de Majoritéitsparteien zustaanen, a méi wéi ee Minister war esouguer demandeur!

Elo gouf zousätzlech decidéiert, datt den nämmlechte Prinzip och fir all Fachkommissioun gëllt. Dorënner ze verstoen ass all Sëtzung vun enger Kommissioun, déi sech exklusiv ëm de Sujet Corona këmmert. Wann also an dësen Deeg d’Gesondheetskommissioun zesumme kënnt, da kann et bal nëmmen ëm de Virus goen. An do ass déi physesch Präsenz vun der Ministesch an och vun de Volleksvertrieder gefrot. Sollt déi nämmlecht Kommissioun fir e Gesetzprojet siegéieren, deen glat a guer näischt mat der Corona-Kris ze doen huet, dann bleiwt et bei enger Videokonferenz.

D’Oppositioun muss – wann si eng Kommissiounssëtzung freet- e Bréif un de Chamberpresident maachen.Doranner freet si d’Präsenz vum Minister, esou wéi ofgemaach. Deen decidéiert dann, a wéi enger Form déi Kommissioun zesumme kënnt. Et geet hei an der Haaptsaach drëm, d’Chamber mat an dee Krich géint de Virus mat anzebannen, wat déi normalste Saach ass, schliisslech liewe mer an enger parlamentarescher Demokratie! A schliisslech koum d’Demande och vun Ministeschsäit, well sech an enger Videokonferenz net esou gutt kéint verbal ausgetosch ginn.

D’Europaparlament ass an deem nämmlechten Dilemma. An do verweisen ech op een interessanten Artikkel vum Diego Velazquez am Lëtzebuerger Wort vun e Samschdeg, wou den Deputéierten Marc Angel zitéiert gëtt:“Videokonferenzen sind anstrengend, gefragt sind Konzentration und geduldiges Zuhören…Man streitet weniger über Details und handelt flexibler…Doch die Qualität der Arbeit leidet unter dieser Situation”.

D’Geschicht war eigentlech e Stuerm am Waasserglas! Et gëtt en Accord an der Chamber selwer an deen ass vun der Regierung acceptéiert a respektéiert. D’Chamber soll net zu engem Zweetklass-Muppi degradéiert ginn, och a besonnesch net an esou wichtegen Zäiten. Net méi an net manner!

KOMMENTAAR

Please enter your comment!
Please enter your name here