De Moien sinn ech flénk -prësséiert wéi déi Pensionéiert nun emol sinn- zur Hausdir erausgaangen, a Knätsch! op e Schleek getrëppelt. Deem aarmen Déier säin Dag huet net gutt ugefaangen, säin Haus war kabott, net méi ze reparéieren. Ech hu mech beim Schleek entschëllegt, ech hätt eng gutt Assurance an déi kéim fir de Schued um Haus op. Ech hunn him och gesot, datt hien mam neien Déiereschutzgesetz mech kéint verkloen. De Schleek awer sot just: et steet schonn am George Orwell sengem Buch vum Déierenhaff geschriwwen: “All d’Déieren si gläich, just verschiddener si méi gläich wéi déi aner”!
