Virun bal 4 Joer gouf et zu Lausduer en déidlecht Verkéiersongléck. 1 Polizist koum ëm d’Liewen, eng Polizistin gouf liewensgeféierlech blesséiert. En Automobilist hat sech tëscht Hengescht a Wäiswampech virun enger Police-Kontroll aus dem Stëbs gemaach, an enger Course-Poursuite koum et zu där fataler Kollisioun tëscht zwee Ween vun der Polizei.
D’lescht Woch gouf den Haaptreproche géint dee Chauffeur net méi zeréckbehalen: hie brauch sech net méi wéinst onfräiwëllegem Doudschlag ze veräntwerten. A mat där Decisioun vun der chambre du conseil vun der Cour d’Appel steet elo dem eigentleche Prozess näischt méi am Wee. De Polizist, deen deemools an dat anert Policegefier gerannt war, kritt iwwregens de Prozess gemaach wéinst onfräiwëllegem Doudschlag a Coups et blessures involontaires.
Lauschtert d’Emissioun vum Marc Thoma, gëschter Owend op apart.tv, wéi ëmmer op Dënschdeg Owend programméiert oder direkt hei, ënnert anerem mat engem Interview vum Maître Baulisch.
