schonn zanter 6 Joer läit sech en auslänneschen Investisseur mam Commissariat Aux Assurances an den Hoer. Dobäi geet et ëm e Konflikt wéinst Investissementer, déi mat enger Versécherungsgesellschaft zu Lëtzebuerg realiséiert gi waren. 2015 huet deen Investisseur eng Reklamatioun beim CAA agereecht, deen allerdéngs net besonnesch drop erpicht war, sech an deen Zodi anzemëschen.
Wäit virum Konflikt géint de Virus huet e ferme Pabeierkrich ugefaangen. An der Schosslinn war an ass de Finanzminister Gramegna. Ma an der Lescht goungen och Kopien vum Courrier un déi ganz Regierung, un d’Chamber, un de Groussherzog, un déi europäesch Kommissiounspresidentin…
Dee leschte Bréif vun Investor Protection, datéiert op Uganks Juni, hëlt de Xavier Bettel an de Viséier. Message: de Staatsminister weess Bescheed, datt seng Regierung am Feeler ass. Well hien näischt ënnerhëlt, violéiert hie selwer d’Gesetz(er).
Et ass dovunner auszegoen, datt et och mat dësem Courrier net gedoen ass, datt deen auslänneschen Investisseur net esou séier lass léisst. An et ass wuel grad esou dovunner auszegoen, datt d’Regierung weiderhin brilléiert, andeems si glat a guer net reagéiert, trei nom Motto vun déisäits der Musel: AUSSITZEN! Jo,jo, wannn et muss sinn, huet de Politiker ganz vill Sëtzlieder….
