Den Desintressi vun der lëtzebuerger Press um Fall Frank Schneider ass scho bal grad esou abstrus ewéi d’Behuelen vun der lëtzebuerger Justiz, déi den Ament refuséiert, och nëmmen de klenge Fanger kromm ze maachen. De fréiere Chef vum Geheimdéngscht gouf Enn Abrëll heifir a Frankräich festgeholl a waart a Cassatioun op de Verdikt, ob oder ob net hien un d’Amerikaner ausgeliwwert gëtt. D’Politik hält sech grad esou zeréck – ofgesinn vun enger question parlementaire vum CSV-Duo Gilles Roth/Laurent Mosar-, mam Verweis op d’Gewaltentrennung.
De Frank Schneider huet dräi Affekoten, een op franséischer Säit, zwee op Lëtzebuerger. Et sinn dat de Paul Urbany an d’Lydie Lorang, déi ech viru Wochen op dëser Websäit am schrëftlechen Interview hat. De Marc Thoma huet elo den Nol e Stéck méi déif ageschloen an een Interview mat där Madamm virun der Kamera gemaach.
Dat Gespréich gouf, grad wéi déi Woch virdrun mam Schneider selwer, op apart.tv diffuséiert. Ech krut d’Erlabnis, d’Emissioun och op mäi Site ze setzen. Et sinn intressant Aussoen vun der Affekotin, déi hir Spueren a juristesche Kreesser wäerten hannerloossen.
À déguster sans modération!
Dem Marc Thoma seng Emissioun kënnt all Dënschdes Owes op apart.tv https://www.apart-tv.com
Gutes interview was dasjenige von f.schneider ergaenzt.
Anstatt sich um diese causa zu kuemmern laeuft unser aussenminister lieber herum und fraternisiert mit ukrainischen banderisten und hofiert fracking biden.