Schonn méi ewéi eng Kéier gouf op dëser Websäit op d’Geschneits vun Hecken higewise. Munchmol ass et sënnvoll, fir de Mënsch oder och fir d’Heck selwer. Meeschtens allerdéngs net. D’Grënn déi dofir ugefouert ginn, sinn allkéiers entweder d’Sécherheet fir de Mënsch, an der Haaptsaach fir Automobilisten oder Vëlosfuerer; oder awer, well eng geschnidden Heck déit méi schéin, méi propper ausgesinn. De gréissten Hecke-Schneider zu Lëtzebuerg ass den Naturschutzsyndikat SICONA.
De Jeannot Weber war op en Neits mat der Kamera ënnerwee an huet och mat Leit vun deem Syndikat geschwat. Hien huet net schlecht gestaunt iwwer verschidden Explikatiounen. Wann een zum Beispill säitlech zum Wee eng Heck schneit, huet dat näischt direkt mat Naturschutz ze dinn! Echt, geldiert!?
De Sicona ass houfereg op seng Erfarung op deem Gebitt zanter 30 Joer. Hien realiséiert ëmmerhin a 40 Gemengen eng Rei Naturschutz-Projeten a weist op seng spezial Maschinnen hin, déi extra ugeschaafe goufen fir d’Schneiden esou präisgënschteg ewéi méiglech ze maachen. Déi Maschinnen verlaangen allerdéngs en extreeme Schnëtt, dee fir de Jeannot Weber kengem Critère a Punkto Naturschutz entsprécht.
Hei säi Reportage:
