Ganz egal, wat ee vum vill diskutéierte Klimawiessel hält: géint propper Loft huet keen eppes!
Zejoert koum d’Pandemie: bei enger Partie Leit goung eng Späicherliichtchen op, datt et esou net kéint weidergoen. Prioritär gëtt mam Fanger op déi grouss industriell Betriber gewisen. Ma och déi kleng Gesellschaften kënnen hiert derzou bäidroen. Hei eng Grimmel an do eng Grimmel, dat gëtt séier e Stéckelche Brout.
D’Firma Cool Concept huet mech kontaktéiert, fir mech op hir intern Diskussiounen an Decisiounen an deem Kontext opmierksam ze maachen. Ech hu si dozou e klengen Artikel schreiwe gelooss. Eng onbezuelte Reklamm fir e gudden Zweck. Villäicht komme jo aner Gesellschaften no…
“Den ökologeschen Ausnamezoustand forcéiert eis, eis Positioun z’änneren an fir eis deeglech Aktiounen ze handelen.“
Cool Concept huet säi Konzept a Saache Ökologie analyséiert: mir wollten verschidden Aktiounen zënter e puer Joer ëmsetzen, awer mir hun eis déi néideg Zäit an Energie fir dës Ännerungen ze maachen ni geholl. An dësem Pandemie – Joer, wéi eis Gesellschaft vum Covid gelämt gouf, hate mir Zäit an den Ausléiser fir dës déif Verännerungen vun eisen interne Prozeduren, eisen Ëmweltaktiounen an eisen Impakt op d’Ëmwelt ëmzesetzen.
No enger interner Consultatioun mat all eise Mataarbechter hu mir folgend Moossnamen ëmgesat:
Eisen Energieverbrauch ze reduzéieren. Mat där leschter Canicule konnten mir net NET mat Iech iwwer Klimaanlag schwätzen, mir benotzen déi neisten Technologien, déi méi no eise Besoinen ugepasst sinn, wat eis Kuelestoffofdrock implizéiert a reduzéiert.
Eis Ausrüstung nei konfiguréieren. Mir hunn eis elektresch Installatiounen nei programméiert, fir onnéideg Verbrauch ze reduzéieren, wéi Luuchten zum Beispill.
Mir hunn d’Verschécken vun eisen E-Mailen optimiséiert. Si si besser wéi Pabeierpost well d’Energieausgaben manner sinn. Mir limitéieren awer grouss Uschlëss, déi vill CO2 verbrauchen. Mir verifizéieren och Empfänger an vermeiden all eis Kollegen a Kopie ze setzen wann et onnéideg ass. Mir limitéieren dat onnéidegt Späichere vun E-Mailen an och informatesch Instrumenter.
Mir planzen e Bam fir all nei Installatioun. Mir hunn eis éischt Plantage am Januar 2021 mat der Firma Reforestaction gemaach, déi en innovatiivt Konzept huet, dat entscheedend fir eis Zukunft ass.
Mir si wierklech frou iwwer eisen neie Wee, dee mir ageschloen hunn a mir hunn eis deementspriechend ugepasst. Wat mir elo wëllen, ass nach méi wäit an dësem Prozess ze goen an eis Partnerfirmen ze encouragéieren, eis an dësem Momentum ze begleeden.
Directioun vun COOL CONCEPT
(Fernand Marques / Tun Caiado / Carlos Ferreira)
