Kuerz virun der leschter Summervakanz gouf dat neit Scheedungsgesetz an der Chamber gestëmmt. Et ass eent vun de modernsten a ganz Europa an et gëtt besonnesch dem maître Gaston Vogel Satisfactioun, dee sech iwwer zwee Joerzéngten fir esou eng Reform agesat huet.
Wat war dat bis dato e Gedeessems, vunenaaner lass ze kommen. Do goung et dacks drëm, erauszefannen, ween dann elo déi meeschte Schold ze droen hätt, fir datt d’Bestietnëss an d’Bréch goung, bedeit tëscht den Ziele liesen: wee goung friém ,ween huet deen aneren net méi respektéiert, ween huet ween sch…sse gedoen etc. Déi Prozedur war dacks eng Péng fir d’Koppel an si huet meeschtens Joer laang gedauert. Mat deem juristeschen Gefummels (entschëllegt den Ausdrock) ass et elo eriwwer. D’Koppel passéiert maximal zweemol beim Riichter an ass dann gescheet, och dann, wann ee vun de conjoint net mam divorce averstaanen ass. De Riichter ass also nach just do, fir déi zivil Konsequenzen vun der Scheedung ze regléieren. Fir Schuld und Sühne aus där Koppel ass de Riichter net méi zoustännech; d’Begrëffer Schold,Schëllegen gëtt et net méi….vu Sënd schwätze mir glécklecherweis scho méi laang net méi. DE Maître Vogel ënnersträicht a sengem Premier commentaire de la loi portant réforme du droit du divorce
Loi du 27.06.2018 sur le droit du divorce
“Il a fallut attendre vingt longues années pour arriver enfin à une réforme qui s’imposait et qui échouait parce que la constellation politique ne permettait aucune avancée!”
